నింగి చెక్కిలి నుండి జారిపడే
చిట్టి చినుకు
పుడమిపై ఏ సోయగాన్ని ముద్దాడుతుందో?
"ఊహించే అంచనాలకు అందనిదది.
పుడమిపై ఏ సోయగాన్ని ముద్దాడుతుందో?
"ఊహించే అంచనాలకు అందనిదది.
అర్ణవపు చూపుల్లో ఆశగా ఎగిసిపడే
కలల అలలు
ఆకాశం వైపు ఎందాక ఎగురుతాయో?
"గణిత సూత్రాలకు తలొగ్గవవి."
ఆకాశం వైపు ఎందాక ఎగురుతాయో?
"గణిత సూత్రాలకు తలొగ్గవవి."
అడవి గుండెల్లో ప్రేమగా ఒదిగిపోయే
వసంతపు ఆకుపచ్చగీతం
అంత మాధుర్యంగా ఎలా వుంటుందో?
"ఏ స్వరకర్తకూ అర్థంకాదది."
అంత మాధుర్యంగా ఎలా వుంటుందో?
"ఏ స్వరకర్తకూ అర్థంకాదది."
కొన్ని అంతే!
ఎవ్వరికీ ఎప్పటికీ
అందవు.తలొగ్గవు.అర్థంకావు.
అందవు.తలొగ్గవు.అర్థంకావు.
ఇలాంటివి కొన్నుంటాయి.
మన అక్షరాలలో దాచుకోవాల్సినవి.
వదిలిపెట్టకూడనివి.
వదిలిపెట్టకూడనివి.